.

                         Friðrik v og Jói Fel

 

 

Reyksoðið kindainnanlæri með bláberjadressingu

Fyrir 4 til 6 manns

 

180 til 200 gr kindainnanlærisvöðvi

1 tsk sjávarsalt

1 msk þurrkaðar villar norðlenskar kryddjurtir

Hvítur pipar

Slatti af þurrkuðu spreki og berjalyngi eða 2 msk Reyksuðusag

( í reyksuðubox sem fæst í veiðibúðum)

 

Aðferð; Nuddið salti, pipar og jurtunum í vöðvann látið standa í 1 klst og reyksjóðið í 10 til 20 mín í reyksuðuboxi eða á voc pönnu. Athugið hitið ekki mikið eftir að kjötið er kominn í boxið. Takið úr boxinu og látið standa í 2 til 3tíma í kæli áður en kjötið er skorið í þunnar sneiðar. Ath það er í lagi að geyma vöðvann lengur og jafnvel frysta.

 

Bláberja dressing

½ dl frosin íslensk bláber 

1 msk hunang

1 msk rauðvínsedik eða balsamico

½ dl ólífuolía

 

Aðferð; Allt maukað saman með töfrasprota eða í matvinnsluvél.

 

Hægeldað nauta prime ribs  að hætti FRIÐRIKS V

 

1 stk sérvalin prime ribs vöðvi  (2 til 3kg)

½  dl góð ólífuolía

1 góður dúskur blóðberg ferskt

1 góður dúskur rósmarin ferskt

nýmalaður svartur pipar

flögusalt salt

2 stk laukur

4 gulrætur

1 hvítlaukur

 

Aðferð; hreinsið vöðvann og nuddið hann vel með salti og nýmöluðum pipar bindið upp vöðvann með góðu garni,brúnið vöðvann á pönnu látið standa í smá stund og baðið í olíunni skerið grænmetið gróft og raðið í góða djúpa ofnskúffu setjið vöðvann ofan á grænmetið og raðið kryddjurtunum yfir. Setjið í 90°c heitan ofn í 3-4 klukkutíma snúið vöðvanum einu sinni á klukkutíma takið vöðvann út látið standa í 20 mín áður en hann er sneiddur berið fram með sigtuðu soðinu úr skúffuni, góðum kartöflum, vænum sítrónubát, fersku salati og góðri ólífuolíu

 

Hátíðar kartöflur

 

4 bökunar kartöflur ísl

10 möndlukartöflur ísl

50 gr smjör

½  dl rjómi hitaður upp að suðu

Salt

Múskat

Andarfita til steikingar

2 dl grænmetissoð

 

Skrælið bökunar kartöflurnar og skerið til t.d. í ferning eða sívalning kúlið gat í miðjuna og brúnið í andarfitunni setjið í ofnskúffu og hellið soðinu yfir hyljið með álpappír og bakið í 165°c heitum ofni í 25 til 30 mín. Sjóðið möndlukartöflurnar í söltu vatni við væga suðu ath. þær eiga til að springa

Takið af hitanum og afhýðið pressið í gegnum kartöflusigti og hrærið upp í hrærivél með volgum rjómanum, smjöri, salti og örl. múskati.

 

Eyfirskt skyramisu

 

1 ½ dl sólberjasulta

1 ½ dl sólber

½ dl portvín

3 msk hrásykur

1 pakki puttakex

1 egg

100 gr sykur

400 gr óhrært skyr

3 dl þeyttur rjómi

1 dl Súkkulaðispænir

 

Aðferð

Berjablanda:Sultan, sólberin,portvínið og hrásykurinn eru soðin saman. Raðið puttakexinu í stóra víða skál hellið berjamaukinu yfir þegar berin eru sprunginn og sykurinn er uppleystur, látið blandast vel meðan skyrblandan er gerð.

Skyrið:Þeytið eggin og sykurinn saman þangað til er loftkennt og ljóst, blandið létt saman við óhrærða skyrið í hrærivélinni, að lokum hrærið varlega með sleif þeyttum rjómanum saman við skyrið.

Hellið því síðan yfir berjablönduna, að síðustu stráið súkkulaðispæninum yfir.

Gott er að láta standa í 2 -3 klst. áður en borið er fram.